LICINIUS Cajus Valerius Licinianus

LICINIUS Cajus Valerius Licinianus

exrustico Daco genitus, bello fortis et felix, per omnes militiae gradus ad culmen pervenit. Caesar proclamatus a Galerio maximino, A. C. 307. et in Pannonia Anno post ab Exercitu Imp. dictus. Disciplinae rigidus vindex, sed avaritiâ et luxu infamis. Literarum acer hostis, Philosophorum non paucos neci dedit. Constantini Imp. cuius sororem Constantiam duxerat, iram veritus, edictis in Eccl. favorem promulgatis subscripsit, at paulo post utrique bellum indixit, pulsis e fam. sua, et occisis plurimis Christianis. Episcoporum commercium cum Gentilibus, catechesin feminarum coetus sacros prohibuit, acerrime in fideles desaeviens. Quâ persecutione motus Constantinus, bis praelio victum Licinium, in Hungaria et Thracia, hac cum Oriente Aegyptoqueve contentum esse iussit: Iterum arma capientem terraque marique denuo superavit. illius classe tempestare mersâ. Obsessus post novam cladem, Nicomediae, uxoris intercessione pacem impetravit, sed eâ lege, ut Imperio cederet: tandem, cum novos motus

machinaretur, strangulatus est, A. C. 325. Aet. 60. Imp. 14. Socr. l. 1. Eutrop. l. 10. Eus. in Chr. Hist. et vita Constant. Zosim. l. 2. Cedren. in Ann. Cod. Theod. de infirm. his, quae sub tyranno gesta sunt.